Кога детето слуша зборови и има можност да ги слушне имињата на појавите, искуствата или активностите, тоа ги учи значењата на зборовите и начините на изразување на своите мисли или чувства. Овој процес го нарекуваме „говорна храна“, а науката нуди недвосмислени докази дека овој тип на „исхрана“ е многу важен за развојот на мозокот, како и за целокупниот развој на детето.

Не можете да „разгалите“ мало бебе. Ако вашето новороденче плаче, тоа е затоа што му треба вашата помош. Ако реагирате смирено и доследно, тоа му помага на вашето бебе да научи дека светот е безбедно и сигурно место.

Бебињата се раѓаат со способност да плачат. За бебето плачењето е основен начин да комуницира со околината и да ви пренесе дека е гладно, уморно, му е непријатно, нешто го боли, но и дека му треба нежност, друштво или утеха.

Плачење - сите бебиња и деца го прават тоа, а некои плачат многу. Но, овој факт не секогаш го олеснува справувањето со плачењето. Добрата вест е дека децата имаат тенденција да плачат помалку додека растат и се развиваат.

Силната емотивна врска со родителите е клучен фактор во развојот на бебето (но и подоцна во животот). Кога бебето се чувствува безбедно и сакано, тоа е поподготвено и похрабро да го истражува светот околу него. На тој начин бебето учи и открива, и развива комуникациски вештини, односи со другите, моторика, говор.

Објавувањето фотографии или коментари за вашето дете може да биде убав начин да споделите посебни моменти, особено кога не можете да бидете лично со семејството. Но, внимавајте на приватноста, бидејќи сликите и коментарите не можат целосно да се отстранат од интернет. Со постарите деца, прашајте ги како се чувствуваат кога објавувате фотографии, видеа и коментари.

На возраст од три месеци до една година, развојот на бебешкиот говор е интензивен. Може да очекувате вашето дете да гуга и да се смее, да си игра со звуци, да мрмори и да започне да комуницира со гестови.

Бебињата и малите деца имаат потреба од храна од сите пет групи на здрава храна: зеленчук, овошје, житарки, млечни производи и протеини. Здравата храна има хранливи материи кои се важни за растот, развојот и учењето. Вашето дете треба да избегнува храна богата со сол, заситени масти и шеќер, храна со малку влакна и хранливи материи и пијалоци со кофеин и многу шеќер.

Ако сакате да го нахраните вашето бебе со шише, треба да ги следите основните препораки, да бидете сигурни дека тоа добива соодветна исхрана, да спречите инфекции и други ризици поврзани со овој начин на хранење.

Играта е од суштинско значење за целокупниот развој, учењето и благосостојбата на вашето бебе. Кога станува збор за игра, следете ги интересите на бебето. Клучната работа е да комуницирате со вашето бебе. Идеите за игра за бебиња вклучуваат играње ѕиркање, музика, пеење песнички, читање и зборување.