Impetigo ndodh kur plagët në lëkurën e fëmijës suaj infektohen nga bakteret e zakonshme. Plagët janë shumë ngjitëse dhe mund të formohen me kore, duke u qarë, me flluska ose të mbushura me qelb. Fëmija juaj duhet të vizitojë mjekun e përgjithshëm për të marrë trajtim me antibiotikë. Impetigo quhet ndryshe edhe plagë në shkollë.

Displazia Zhvillimore e Kërdhokullës (DDH) ndodh kur koka femorale e foshnjës nuk gjendet në pozicionin e duhur në gropëzën e kërdhokullave. Kjo nënkupton që kërdhokulla është jostabile. Profesionistët shëndetësorë do ta kontrollojnë fëmijën tuaj për DDH në lindje dhe gjatë gjithë vitit të parë të fëmijës suaj. Foshnjat me DDH mund të kenë nevojë për një mbajtëse. Rastet më të rënda mund të kenë nevojë për operim.

Gazrat janë normale dhe të nevojshme. Zakonisht fëmija nuk ka nevojë për trajtim për gazra. Nëse fëmija juaj ka shumë gazrar dhe ka dhimbje barku dhe simptoma të tjera, mund t'ju duhet ta vizitoni mjekun. Nëse ushqime të caktuara i japin fëmijës tuaj shumë gazra, përpiquni t'i heqni ato nga dieta e fëmijës tuaj.

Inkontinenca fekale është kur fëmijët që kanë kaluar moshën e ushtrimeve të tualetit bëjnë rregullisht jashtëqitje në vende të tjera përveç tualetit. Ata/ato nuk mund ta kontrollojnë se kur dhe ku janë gati për jashtëqitje. Mund të jetë shumë shqetësuese për fëmijët dhe prindërit.

Epilepsia nënkupton kur një fëmijë ka kunvulsione ose kriza të përsëritura. Nëse fëmija juaj diagnostikohet me epilepsi, trajtimi mund të përfshijë ilaçe kundër konvulsioneve. Trajtimi i epilepsisë synon t'i mundëson fëmijët të jetojnë një jetë normale.

Fëmijët shpesh kanë dhimbje koke, dhe disa kanë dhimbje koke që vazhdojnë të kthehen. Zakonisht nuk keni nevojë të shqetësoheni për dhimbjet e kokës. Por vizitoni mjekun nëse jeni të shqetësuar, veçanërisht nëse fëmija juaj ka dhimbje koke të papritur dhe të rëndë që e dhemb më shumë kur zgjohet nga gjumi, ose e zgjon nga gjumi.

Ulçerat në gojë janë varrë të bardha që dalin brenda gojës, në gjuhë ose në mishrat e dhëmbëve. Ulçerat në gojë mund të jenë të dhimbshme. Xheli i gojës dhe shpëlarësit me ujë të ngrohtë me kripë mund të ndihmojnë. Trajtimi zakonisht nuk është i nevojshëm. Ulçera duhet të hiqet brenda një jave.

Bashkimi labial nënkupton bashkimin e lëkurës së buzëve të brendshme të vulvës. Bashkimi labial zakonisht nuk ka dhimbje, por mund të çojë në rrjedhje pas urinimit. Nëse vajza juaj ka bashkim labial në fëmijërinë e hershme, me siguri do të largohet vetë gjatë pubertetit.

Shputa e shtrembër nënkupton kur foshnja e ka shputën të lakuar nga ana e brendshme. Foshnjat me shputë të shtrembër kanë nevojë për trajtim brenda dy javëve. Trajtimi i shputave të shtrembëra përfshin përdorimin e allçisë, operimin dhe mbajtëset.

Nauzeja është ndjenja se do të vjellni. Trajtoni nauzenë duke i dhënë fëmijës suaj pije të vogla me ujë ose lëngje hidratimi oral dhe ushqime të buta. Vizitoni mjekun nëse nauzeja e fëmijës suaj zgjat më shumë se 24 orë.