Bronkiti është një inflamacion i kanaleve të mëdha të rrugëve të frymëmarrjes, që lidhen me mushkëritë. Nëse fëmija juaj ka bronkit, ai/ajo mund të merr frymë më shumë dhe të prodhojë më shumë mukozë sesa normalisht, por zakonisht nuk është diçka për t’u shqetësuar. Trajtimi i bronkitit varet nga shkaku i infeksionit.

Gulçima, kollitja dhe vështirësia në frymëmarrje mund të jenë të gjitha shenja të astmës. Simptomat e astmës zakonisht janë më të këqija gjatë natës dhe pas ushtrimeve. Kollitja e astmës mund të variojë nga e lehtë në të rëndë.

Astma ua vështirëson vërtet fëmijëve frymëmarrjen. Kjo ndodh sepse ënjtjet e rrugëve të frymëmarrjes fryhen, kur hyjnë në kontakt me gjëra që shkaktojnë astmën e tyre, si alergjitë, infeksionet virale, tymi, ushtrimet dhe ndryshimet e motit. Fëmijët mund të marrin astmë për shkak të gjeneve dhe mjedisit.

Anemia më së shpeshti shkaktohet nga mungesa e hekurit. Shumë foshnje dhe fëmijë zhvillojnë anemi. Shihni mjekun tuaj nëse fëmija juaj duket shumë i zbehtë, është nervoz dhe është shumë i lodhur. Trajtimi për anemi nga mungesa e hekurit zakonisht përfshin shtimin e ushqimeve të pasura me hekur në dietën e fëmijës tuaj dhe dhënien e suplementeve të hekurit për t’ju ndihmuar që nivelet e hekurit të fëmijës suaj të kthehen në normale.

Anafilaksia është një reagim i rëndë alergjik që kërkon kujdes urgjent mjekësor. Simptomat përfshijnë probleme të frymëmarrjes, ngushtësi të fytit ose ënjtje të gjuhës, vështirësi në të folur, fishkëllimë, kollë e vazhdueshme, marrje mendsh dhe të fikët. Shtrijeni fëmijën tuaj në pozitë të rrafshët. Përdorni një auto-injektor të adrenalinës si EpiPen®. Pastaj thirrni ambulancën. Është shumë e rëndësishme që fëmijët me anafilaksi ta shmangin alergjenin, që ua shkakton anafilaksinë.

Njësia  e kujdesit intensiv neonatal (NICU) mund të jetë një mjedis i çuditshëm dhe i vështirë për foshnjën tuaj, për juve dhe familjen tuaj. Përpiquni ta bëni hapësirën NICU tuajën, të kaloni kohë me foshnjën tuaj dhe të ndani kohë për t’u çlodhur. Nëse kujdeseni për veten gjatë kohës që foshnja juaj është në NICU, ju do të jeni më të aftë të kujdeseni për foshnjën tuaj.

Vendi më i sigurt për foshnjat për të fjetur është në një shtrat pranë shtratit të prindërve. Gjumi i përbashkët është kur prindërit i sjellin foshnjat e tyre në shtrat me ta. Gjumi i tillë mund të jetë i rrezikshëm për foshnjat. Nëse ju vendosni të flini bashkë, ka gjëra që ju mund të bëni për ta minimizuar rrezikun.