Bisedoni me mjekun tuaj rreth preferencave dhe opsioneve tuaja për procesin dhe aktin e lindjes. Shenjat e hershme të lindjes mund të përfshijnë rrjedhjen e lëngut vagjinal, plasjen e lëngut amniotik dhe dhimbjet e ngjashme me ato të ciklit menstrual. Telefononi menjëherë spitalin. Në fazën e parë të lindjes, kontraksionet tuaja bëhen më intensive. Në fazë e dytën e lindni foshnjën tuaj. Në fazën e tretë hiqet placenta. 

Planifikimi i lindjes së foshnjës suaj dhe koha pas saj mund t'ju ndihmojë të ndiheni të përgatitura për foshnjën tuaj të re. Kurset para lindjes ju ndihmojnë të përgatiteni për lindjen, ushqyerjen me gji dhe prindërimin e hershëm. Është një ide e mirë ta hartoni një plan lindjeje – ndonëse me gjasa do të duhet të jeni fleksibël.

Ajo që ndodh pas lindjes varet nga lindja juaj, si lind fëmija juaj dhe sa shpejt përshtatet fëmija juaj me jetën jashtë mitrës. Ju mund të lidheni me foshnjën tuaj sapo të lindë, nëse foshnja merr frymë mirë dhe shëndeti juaj është i qëndrueshëm. Nëse foshnja juaj ka nevojë për ndihmë rreth frymëmarrjes, mjekët dhe mamitë do t’i japin oksigjen shtesë, maskë të veçantë për frymëmarrjen ose tub frymëmarrjeje.

Opsionet natyrale për lehtësimin e dhimbjeve të lindjes përfshijnë masazhin, dushet dhe kompresat e ngrohta. Mundësitë mjekësore për lehtësimin e dhimbjeve të lindjes përfshijnë oksidin e azotit, morfinën ose anestezinë epidurale. 

Prerje cezariane paraqet një operacion për të sjellë në jetë fëmijën tuaj. Prerje cezariane zakonisht zgjat 30-60 minuta, megjithëse i gjithë procesi mund të zgjasë disa orë. në sallën e operacionit me ju do të ketë shumë njerëz. 

Shumica e grave kanë shtatzëni të shëndetshme, por ndonjëherë ndodhin lindje të foshnjës së vdekur. Kushtojini vëmendje lëvizjeve të foshnjës suaj dhe kërkoni ndihmë mjekësore nëse vini re ndonjë ndryshim. Flini në krah që nga java e 28-të e shtatzënisë. Mbani një stil jetese të shëndetshëm për të ndihmuar foshnjën tuaj të zhvillohet mirë. Shkoni në kontrolle të rregullta para lindjes (antenatale).

Fertilizimi in vitro (IVF) është procedurë mjekësore, e cila mund t’ju ndihmojë të ngelni shtatzënë, nëse nuk mund të ngjizni natyrshëm. Për disa njerëz IVF-ja është menjëherë e suksesshme. Për të tjerët, udhëtimi drejt prindërimit mund të jetë më i gjatë,  me shumë batica dhe zbatica. 

Gjatë shtatzënisë dhe pas lindjes, është e rëndësishme t’i kushtoni vëmendje ndryshimeve të emocione, mendimeve, sjelljeve ose ndryshimeve fizike. Nëse këto ndryshime zgjasin më shumë se 2 javë, mund të jetë depresion antenatal ose postnatal.

Pamja dhe sjellja e një të porsalinduri menjëherë pas lindjes mund t’ju hutojë ose shqetësojë. Më shpesh është vetëm frika juaj nëse gjithçka është në rregull me foshnjën dhe pritjet e ndryshme që mund t’i keni pasur për atë se si do të duket foshnja juaj kur të lindë.

Ndryshimet e shtatzënisë ndonjëherë mund të jenë stresuese për ju dhe partneren tuaj shtatzënë. Nëse mund të gjeni mënyra të shëndetshme për t’u përballuar me stresin, kjo është mjaft mirë për ju, partneren dhe foshnjën tuaj.