Shprehitë e mira si rutinat para gjumit dhe ushtrimet e mjaftueshme gjatë ditës mund ta bëjnë më të lehtë gjumin për fëmijën tuaj. Shprehitë e gjumit të fëmijëve si gërhitja, ankthet e natës dhe kërcitja e dhëmbëve zakonisht janë të padëmshme, por nëse keni shqetësime, konsultohuni me mjekun tuaj. Strategjitë e sjelljes mund të ndihmojnë lidhur me disa probleme të gjumit, siç është ngritja e shpeshtë nga shtrati.

Rutina që përfshin kohën e relaksimit para gjumit si dhe oraret e rregullta të gjumit dhe zgjimit mund ta ndihmojë fëmijën tuaj të qetësohet më mirë. Ndihmoni fëmijën tuaj të qetësohet për gjumë duke i ofruar mjedis gjumi që është i qetë dhe që ka ndriçim të lehtë. Sigurohuni që fëmija juaj të ketë ushqim të mjaftueshëm në kohën e duhur, që t'i ekspozohet diellit gjatë ditës dhe të mos konsumojë kafeinë pasdite dhe në mbrëmje. Vizitoni mjekun tuaj të përgjithshëm nëse fëmija juaj ka probleme me gjumin që vazhdojnë për më shumë se 2-4 javë ose probleme që ndikojnë në jetën e përditshme të fëmijës tuaj.

Shumica e fëmijëve parashkollorë kanë nevojë për 10-13 orë gjumë në natë, dhe disa ende flenë gjatë ditës. Fëmijët parashkollorë ndonjëherë kanë probleme me gjumin të tilla si ngritja nga shtrati, si dhe endrra të këqija dhe ankthe të natës. Një rutinë konsistente para gjumit është mënyra më e mirë për të trajtuar shumë probleme të fëmijëve parashkollorë.

Simptomat e një reaksioni alergjik të lehtë ose të moderuar ndaj ushqimit përfshijnë skuqje, ënjtje, ndjesi shpimi gjilpërash, dhimbje në stomak, të vjella dhe diarre. Simptomat e një reaksioni të rëndë alergjik ndaj ushqimit – ose anafilaksisë – përfshijnë shtrëngimin e fytit, vështirësi në frymëmarrje dhe të fikët. Vizitoni mjekun tuaj për vlerësim të duhur të alergjive ushqimore. Fëmijët duhet të shmangin ushqimet ndaj të cilave janë alergjikë. Nëse janë në rrezik nga anafilaksia, ata/ato mund të kenë nevojë të mbartin një autoinjektor të adrenalinës.

Intoleranca ndaj laktozës është kur fëmija nuk mund të zbërthejë në mënyrë efektive sheqerin laktozë që është i pranishëm në qumësht dhe produktet e qumështit. Simptomat përfshijnë gazrat, dhimbje të stomakut, diarre dhe fryrje. Kjo ndodh zakonisht tek fëmijët më të mëdhenj se 5 vjeç kur enzimat e laktazës së fëmijës fillojnë gradualisht të ulen. Fëmijët dhe adoleshentët me intolerancë ndaj laktozës duhet të kalojnë në një dietë të shëndetshme me laktozë të ulët. Vizitoni mjekun tuaj për një vlerësim të duhur të gjendjes së fëmijës suaj.

Foshnjat kanë nevojë për rreth 12-13 orë gjumë çdo 24 orë. Kjo është zakonisht 10-12 orë gjatë natës dhe 1-2 orë gjatë ditës. Problemet e zakonshme të gjumit të foshnjave përfshijnë vështirësinë për ta rehatuar në gjumë, dhe mos dëshirën për të qëndruar në shtrat. Një rutinë konsistente para gjumit i ndihmon foshnjat të përgatiten për gjumë.

Të ndihmosh fëmijën tuaj të mësojë të përdorë oturakun ose tualetin është një hap i madh dhe shumë emocionues për ju të dy. Nëse qëndroni pozitivë dhe të qetë, fëmija juaj do të ketë më shumë gjasa të ndihet rehat me gjëra të reja. Sekreti është t'i prisni shenjat që tregojnë se fëmija juaj është gati për ushtrime për përdorimin e tualetit.

Problemet e zakonshme të dhëmbëve tek foshnjat përfshijnë daljen e dhëmbëve, thithjen e gishtit të madh dhe kërcitjen e dhëmbëve. Këto probleme janë pjesë e zakonshme e zhvillimit të foshnjës. Nëse jeni të shqetësuar për dhëmbët e foshnjës tuaj, vizitoni dentistin tuaj.

Intoleranca ushqimore nuk është e njëjtë me alergjinë ushqimore. Simptomat e intolerancës ushqimore përfshijnë fryrje, diarre dhe dhimbje stomaku. Simptomat e intolerancës ushqimore zakonisht zhduken vetë. Intolerancat e zakonshme ushqimore përfshijnë laktozën, grurin, aditivët dhe fruktozën.

Simptomat e infeksionit të veshit të mesëm përfshijnë dhimbjen dhe ndjenjën e mbushjes së veshit. Çojeni fëmijën tuaj te mjeku i përgjithshëm nëse mendoni se ai/ajo ka ndonjë infeksion të veshit të mesëm. Simptomat zakonisht përmirësohen brenda 24-48 orëve. Paracetamoli, ibuprofeni ose pikat e veshit mund të ndihmojnë për të lehtësuar dhimbjen. Mos e pastroni veshin e fëmijës suaj me topa pambuku ose me ndonjë shkop pastrues të pambukut.