Savodxonlikni rivojlantirish tovushlar, soʻzlar va tilni oʻrganishdir. Savod farzandingizning oʻqish, yozish, muloqot qilish qobiliyatining asosidir. Farzandingiz bilan muloqot qilish, oʻqish va qofiyali oʻyinlar oʻynash orqali bolangizning erta savodxonligini rivojlantirishingiz mumkin. Erta savodxonlikni rivojlantirish har kungi qoʻshiq aytish, suhbatlashish va oʻyin oʻynash kabi qiziqarli mashgʻulotlar bilan bogʻliqdir.

Bolalarning jismoniy faoliyatiga toʻsqinlik qiladigan omillarga harakatsiz oʻtirgan vaqti, oʻyin uchun joy yoʻqligi, tigʻiz kun tartibi va ekran vaqti kiradi. Farzandingiz qancha vaqt harakatsiz oʻtirishini, uyingizda boʻsh joy bor-yoʻqligini, oilaviy tartibingiz va ekran vaqtiga boʻlgan yondashuvingizni koʻrib chiqing. Biroz oʻzgartirishlar kiritib, siz jismoniy faollik uchun koʻproq vaqt ajratishingiz va imkoniyat yaratishingiz mumkin.

Harakatli oʻyinlar bolalar bir-birlarining ustlaridan oshib oʻtishlari, kurash tushishlari, dumalashlari va hatto hazillashib urishishlaridir. Bunday oʻyinlar qiziqarli va yaxshi mashgʻulotlardir. Ular bolalar jismoniy va ijtimoiy koʻnikmalarini amaliyotda qoʻllashiga imkon beradi. Sizga kerak boʻlgan yagona narsa bu – katta va boʻsh joy. Chunki farzandingiz biron narsani sindirib qoʻymasligi kerak.

Farzandingiz tashqarida havo sovuq yoki namchil boʻlsa ham, jismoniy faol boʻlishi mumkin. Siz bulutli ob-havoda sohil boʻyiga borishingiz, koʻlmaklarda sakrashingiz yoki varrak uchirishingiz mumkin. Agar uyda qolsangiz, jismoniy faol oʻyinlar, raqslar va mashgʻulotlar oʻylab topishingiz mumkin. Boshqa variantlarga yopiq oʻyin markazlari va qishki sport turlari kiradi.

Bolalar kiyinishni oʻrganishlari kerak, ammo bu oson boʻlmasligi mumkin. Kiyinishni bir necha bosqichlarga boʻlish foydalidir. Oxirgi bosqichni birinchi oʻrgatish yaxshi samara berishi mumkin. Yodda tuting: har bir bola oʻziga xos boʻladi va turli koʻnikmalarni har xil tezlikda rivojlantiradi.

Bola juda kichikligidan tilni oʻzlashtira boshlaydi. Siz har kungi oʻyinlar yordamida uni tinglash, u bilan suhbatlashish, qoʻshiqlar kuylash, ertaklar aytish orqali muloqot koʻnikmalarini rivojlantirishingiz mumkin.

Farzandingiz oʻzi va olamni anglar ekan, miyasi hayotining boshidanoq shiddat bilan ishlaydi. Oʻyin oddiy narsa boʻlib koʻringani bilan, farzandingiz u orqali koʻp narsalarni oʻrganadi. Bu yerda farzandingizning kognitiv rivojlanishini qoʻllab-quvvatlash uchun oddiy va qiziqarli oʻyin gʻoyalari berilgan.

Jismoniy faollik kundalik oʻyinlarning bir qismi sifatida bola hayotida juda erta boshlanishi mumkin. Yosh bolalar uchun mashgʻulot tanlaganingizda vaqtichogʻlik va oʻyinlarga eʼtibor bering. Har kuni kamida 30 daqiqa qorinda yotish kichkintoylarning oʻsishi va rivojlanishiga yordam beradi. 1–5 yoshdagi bolalar har kuni kamida uch soat davomida jismoniy faoliyat, shu jumladan, energiya sarflovchi oʻyinlar bilan shugʻullanishlari zarur.

Oʻyin chaqaloqning umumiy rivojlanishi, oʻrganishi, salomatligi hamda oʻzaro aloqalarni oʻrnatish uchun muhim ahamiyatga ega. Chaqoloq bilan oʻynash u bilan muloqot va birga harakat qilishdir. Chaqalogʻingiz bilan jilmayish, “jigʻiga tegish”, qorniga yotqizish kabilar orqali oʻyin oʻynash va hokazolar yordamida kichkintoyingiz bilan oʻzaro aloqalarni mustahkamlaysiz. Chaqalogʻingiz bilan birga kitob oʻqishga harakat qiling. Buni har qanday paytda boshlashingiz mumkin, faqat kitobni ushlab turishni yoddan chiqarmang.

Qoʻshiq aytish – farzandingiz ikkinchi tilni oʻrganishi va ikki tilni oʻzlashtirishiga yordam beradigan qiziqarli usul. Yosh bolalar uchun oddiy va tanish qoʻshiqlarni tanlang. Kattaroq bolalar uchun ikkinchi tilda pop qoʻshiqlarini qidirishingiz mumkin.