Soʻzlarni topish – bu oʻqish va yozishni oʻrganishdagi oddiy kundalik mashqlardir. Uni uyda sinab koʻring. Buning uchun siz qadoq va yorliqlardagi soʻzlarni topishingiz mumkin. Farzandingizni sayr yoki oziq-ovqat doʻkoniga olib borish imkoni boʻlsa, soʻzlarni oʻsha yerda topishingiz mumkin.

Ertak oʻqish va ularni aytib berish bolangizning umumiy rivojlanishiga yordam beradi. Qofiya va ritmga ega boʻlgan rasmli yoki farzandingiz uchun qiziqarli boʻlgan kitoblardan boshlang. Har kuni kamida bitta kitobni birgalikda oʻqishga harakat qiling.

Oʻyin kichkintoylar motorikasini rivojlantirish uchun foydalidir. Bolalar tabiatan faol boʻladi, ayniqsa, ular biror joyga chirmashib chiqish, yugurish va sakrashni yaxshi uddalay boshlaganda. Musiqa sadolari ostida raqsga tushing, oʻyinchoqlarning ustiga minib oʻynang, toza havoda sayr qiling va koʻplab boshqa faoliyat turlarini oʻylab toping. Oʻyinlarni kichkintoylarning jismoniy imkoniyatlariga moslashtirishingiz (masalan, imkoniyati cheklangan bolalar uchun) ularning faol boʻlishiga yordam beradi.

Bolalardagi tasavvur va ijodkorlik oʻyin orqali rivojlanadi. Ilk yoshdagi kichkintoyingiz yolgʻondakam oʻyinlarni juda koʻp oʻynaydi. Ular uchun bu oʻrganishning ajoyib usulidir. Bolaning tasavvurini rivojlantiruvchi oʻyinlarga oʻqish, rasm chizish, ochiq havoda sayr qilish, xazina qutilari, kiyim almashtirish va tartibsiz oʻyinlar va boshqalar kiradi.

Bolalar ulgʻaygan sari xafa boʻlish, hamdardlik va gʻururni his qila boshlaydi. Xafagarchilik – bu yoshdagi bola boshdan kechiradigan, eng koʻp uchraydigan tuygʻu!

12–18 oylik kichkintoyingizga ertaklar oʻqib berish, suhbatlashish va qoʻshiq aytish unga tovushlar, soʻzlar va til haqida maʼlumot olishga yordam beradi. Kichkina bola bilan har kuni mutolaa qilish juda foydali, shoshilmasdan oʻqing, unga kitoblarni tanlashga va rasmlarni tomosha qilishga imkon bering. Bolalar yaxshi qofiya, ritm va takrorlashlari bor kitoblarni yoqtiradi. Shuningdek, kichkintoyingiz karton kitoblarni va yuzasi har xil teksturali kitoblarni yaxshi koʻrishi mumkin. Bizning tavsiyalarimiz bilan tanishib chiqing.

Muloqot, qoʻshiq aytish, oʻqish, hikoya qilish, chizish, yozish farzandingizning oʻqish va yozish koʻnikmalarini rivojlantirishga yordam beradi. Kichkintoylar va yosh bolalar uchun bolalar qoʻshiqlari, ovozli oʻyinlar (“Men josusman”) va qofiya, ritm va takrorlashlari bor kitoblarni sinab koʻring. Maktabgacha yoshdagi bolalar maktabga tayyorgarlik koʻrishlari kerak boʻlgan vaqt yaqinlashganda jurnallar, reklama peshtaxtalari, belgilar va oziq-ovqatlardagi muayyan soʻzlarni birgalikda qidiring. Farzandingizni soʻzlarni yozib mashq qilishga undang va oʻqishni toʻxtatmang.

Ochiq havodagi oʻyinlar farzandingizning jismoniy sogʻligi, rivojlanishi va oʻz kuchiga boʻlgan ishonchining shakllanishi uchun foydali. Bundan tashqari u ! Bolangizga bir kunda bir necha marotaba koʻchada oʻynaiga ruxsat bering. Turli yoshdagi bolalarning ochiq havoda oʻynashlari uchun baʼzi gʻoyalar: kichkintoyni pled ustiga qorni bilan yotqizish mumkin, toʻp bilan oʻynash, tabiat qoʻynida sayr qilish, velosipedda uchish va shu kabi koʻplab oʻyinlar.

Oʻyin kichkintoyingizning umumiy rivojlanishi, oʻrganishi va sogʻligini taʼminlash uchun muhimdir. Oʻyin haqida gap ketganda, farzandingizning qiziqishlarini inobatga oling. Eng muhimi – u bilan oʻzaro munosabat. Kichkintoylar bilan oʻynash uchun gʻoyalar: “ku-ku” oʻyini, shovqin solish yoki qoʻshiq va bolalar sheʼrlarini aytish, oʻqish va muloqot.

3-18 oylik davrda kichkintoyingizning nutqi shiddat bilan rivojlanadi. Oddiy, yoqimli muloqot, o‘yinlar uchun g‘oyalar (masalan, mutolaa va qo‘shiq aytish) kichkintoyingizning nutqi va gapirish ko‘nikmalarini rivojlantirishga turtki bo‘ladi.