Muvaffaqiyatli emizish uchun siz va chaqalogʻingiz emizish texnikasini iloji boricha tezroq oʻzlashtirishingiz muhim. Bu sutning yaxshi ajralishini taʼminlaydi, bolaga kerakli darajada emishga imkon beradi, ogʻriqli emizish va soʻrgʻichlar shikastlanishining oldini oladi. Koʻkrak suti bilan boqish tabiiydir, ammo bu vaqt va amaliyot bilan egallanadigan malakadir.

Agar chaqaloqni sunʼiy sut aralashmasi bilan boqsangiz, uni tayyorlash va saqlash boʻyicha koʻrsatmalarga, idishlar gigiyenasiga amal qiling. Bolaning immun tizimi infeksiyalarga qarshi kurashish uchun yetarlicha kuchli emas va sut bakteriyalarning koʻpayishi uchun juda qulay vositadir.

Onaning sogʻligʻi tufayli laktatsiya davrini toʻxtatish va sunʼiy oziqlantirishga oʻtishni talab qiladigan juda kam sabablar bor. Kasallikning oʻzi emizish uchun qarshi koʻrsatmami yoki oddiy qiyinchilikmi – aniqlash kerak.

Homiladorlik va emizish bu – hayotingizning muhim davrlari. Chekishni tashlashga harakat qilishingiz kerak. Buni uddalay olmagan taqdiringizda ham, sutingiz baribir bolangiz uchun eng yaxshi ovqatdir va siz emizishingiz kerak.

Hayotning birinchi soatlarida sogʻlom tugʻilgan chaqaloqlarning koʻpchiligi tugʻma his-tuygular asosida onasining koʻkragi tomon harakatlanadi va mustaqil ravishda koʻkrakni oʻzi tutib oladi. Erta emizish chaqalogʻingiz sogʻlom rivojlana boshlashishini anglatadi!

Farzandingiz quyuq (qoʻshimcha) ovqatlarni isteʼmol qilish uchun tayyor ekanini bildiruvchi belgilarni koʻrsatsa, qoʻshimcha ovqatlarni kiritishni boshlang. Bunga taxminan 6-oyda kirishishingiz mumkin, lekin 4-oydan oldin emas. Birinchi ovqatlar mayda boʻlakchalardan emas, yutishga oson, pyuresimon, qirgʻichdan oʻtkazilgan va yumshoq boʻlaklardan iborat boʻlishi mumkin. Farzandingiz maydalangan va toʻgʻralgan ovqatlarga oʻtishi mumkin. Quyuq (qoʻshimcha) ovqatlarni istalgan tartibda kiritsangiz boʻladi, faqat bir shart bilan: tarkibi temirga boy hamda toʻgʻri quyuqlikka va tarkibga ega taomlarni tanlashingiz kerak. Farzandingiz maʼlum yoshga yetgunga qadar isteʼmol qilishi mumkin boʻlmagan baʼzi ovqatlar mavjud.

Bolani 12 oyga qadar koʻkrak yoki sut aralashmasi bilan boqishda davom eting. Taxminan oltinchi oydan boshlab barcha bolalar turli xil mahsulotlarni tatib koʻrishlari kerak.

Emizishni toʻxtatish jarayonini asta-sekinlik bilan olib-borish tavsiya etiladi. Shunda bolangiz kun tartibidagi va ovqatlanishdagi oʻzgarishlarga koʻnikib boradi va koʻkrak bezida sut ishlab chiqarishi toʻxtaydi. Bolaning yoshiga qarab uni suyuqliklarni piyoladan ichishga oʻrgatishingiz mumkin. Farzandingizning yoshi koʻkrak sutini sunʼiy sut aralashmasiga yoki mol sutiga almashtirishingizni aniqlashda yordam beradi. Emizishni kamaytirishni boshlaganingizda emizishning sizni homilador boʻlishdan himoya qilishi ham susayadi, shuning uchun kontrasepsiya usullari toʻgʻrisida bosh qotirish kerak boʻladi.

Dastlabki kunlarda qanday emizish kerak: chaqaloq tashabbusi bilan mehr-bogʻlanish paydo boʻlishi – emizish yaxshi oʻtayotganda: ona tashabbusi bilan mehr-bogʻlanish paydo boʻlishi.

Koʻkrak suti bilan boqishdagi muammolar: nima qilish kerak?

Bolalar tishlari haqida

Bolalar tishlarini yuvish (rasmlarda) © raisechildren.net

Sut tishlari

Ona suti farzandingizning oʻsishi va rivojlanishi uchun zarur boʻlgan barcha ozuqa moddalariga ega, u bolani infeksiyalardan, kasalliklardan himoya qiladi. Emizish bepul va qulay boʻlib, siz va farzandingiz oʻrtasidagi bogʻlanishni kuchaytiradi. Farzandingiz 6 oyga toʻlgunga qadar faqat koʻkrak suti bilan boqilishi kerak, 6 oyligidan boshlab esa quyuq ozuqani yeya boshlaydi va ona suti hali ham uning asosiy ozuqasi boʻlib qoladi. Emizishni kamida 12 oygacha davom ettirish tavsiya etiladi.