Ona sutidan yaxshiroq ozuqaning oʻzi yoʻq! Koʻkrak suti oʻzgarishi mumkin boʻlgan murakkab tirik moddadir, u bolaning rivojlanishini taʼminlab boradi, uni qoʻllab-quvvatlaydi va boshqaradi.

Hech bir ozuqa ona sutining oʻrnini bosa olmaydi. U minglab turli xil tarkibiy qismlardan tashkil topgan va ularning aksariyatini sunʼiy ravishda ishlab chiqarib boʻlmaydi.

Birinchi marta emizgan ayollarning qariyb 10 foizida soʻrgʻichlari yassi yoki botiq boʻlib, bu koʻkrak soʻrgʻichini koʻtaradigan mushak toʻqimalarining qayishqoqligi yetarli emasligidan kelib chiqadi. Koʻkrak soʻrgʻichining faqat tashqi koʻrinishiga qarab turib emizish paytida qanday ishlashini aniqlash mumkin emas.

Sabzavotlar bolaga energiya berishi bilan birga uni surunkali kasalliklardan himoyalaydi. Sakkiz yoshgacha boʻlgan bolalar har kuni 2–40,5 porsiya sabzavot isteʼmol qilishlari kerak. Oʻzingiz yaxshi oʻrnak boʻlish orqali farzandingizni koʻproq sabzavot yeyishga undang. Bunda sizga qatʼiylik va maqtov ham qoʻl kelishi mumkin.

Muntazam oilaviy ovqatlanishlar bir-biringiz bilan muloqot qilish va birgalikda sogʻlom ovqatlanishdan zavqlanish imkonini beradi. Oilaviy ovqatlanish uchun doim vaqt ajrating. Farzandlarni oilaviy ovqatlarni tanlash va tayyorlashga jalb qiling, yangi taomlarni tatib koʻrish, yaxshi odatlar kabi xatti-harakatlari uchun maqtang.

Ota-ona sifatida siz farzandingizga sogʻlom oziq-ovqat taklif etasiz va uni isteʼmol qilish imkoniyatini berasiz. Qancha yeyish yoki umuman yemaslikni bolaning oʻzi hal qilishi mumkin. Agar farzandingizning kam yoki meʼyoridan ortiqcha yeyishidan tashvishlanayotgan boʻlsangiz, sizga sogʻlom ovqatlanish tartibi yordam bera oladi. Uyingizda sogʻlom oziq-ovqatlarni saqlash va ularni isteʼmol qilish orqali oʻzingiz oʻrnak boʻling.

Uyda sogʻlom ovqatlanishga odatlanish bolangizga uydan tashqarida ham sogʻlom taom tanlashga yordam beradi. Koʻcha-koʻyda ovqatlanayotganda taomga muvozanatli yondashishga intiling. Uydan tashqarida boʻlganingizda oʻzingiz bilan foydali tamaddi va suv olib oling. Restoran menyusidan sogʻlom taomlarni qidiring.

Nonushta bolangizga oʻynash, mashq qilish va eslab qolish uchun energiya beradi. Sogʻlom nonushta uglevodlar, oqsillar va yogʻlarning kerakli muvozanatiga ega. Sogʻlom nonushta turlariga boʻtqa, shakari kam kepakli bodroqlar, qaynatilgan tuxum, quymoq, kepakdan tayyorlangan non, meva va qatiq kabilar kiradi.

Jismoniy faollik yosh bolalar salomatligi va rivojlanishida katta ahamiyatga ega. Jismoniy faollik bu – sizning tanangizni harakatga keltiradigan har qanday mashgʻulot. Turli yoshdagi bolalar uchun har xil jismoniy faollik zarur. Bolalar uchun koʻproq faol boʻlish va kamroq oʻtirish foydalidir.

Bolalarga beshala oziq-ovqat guruhining barchasidan turli xil sogʻlom oziq-ovqatlar kerak. Qancha va qanday oziq-ovqat zarurligi ularning tana vazni va faollik darajasiga bogʻliq.

Taomni baham koʻrishni oʻrganish oʻyin oʻynash va doʻstlashishning muhim koʻnikmasidir. Ovqat tayyorlash va birgalikda ovqatlanish – bola uchun uni baham koʻrishni oʻrganishning qiziqarli usuli. Tayyorlash va baham koʻrish mumkin boʻlgan taomlarga mevali salat, yengil pitsa, kekslar va sariyogʻ/qiyom surtilgan non kiradi.