Muzeyga sayohat bolalar uchun qiziqarli va maroqli boʻlishi mumkin. Uyingizdan uzoq boʻlmagan va bolalarga moʻljallangan yoki farzandingizga qiziqarli boʻladigan muzeylarni qidirib koʻring. Muzeyga borishdan oldin u haqda farzandingizga aytib bering va uni nimalar qiziqtirayotganiga eʼtibor qarating.

Plastilin – bolalarda sezgirlikni rivojlantirish va ularning oʻrganishlari uchun ajoyib mashgʻulotdir. Plastilin bilan oʻyinlar oʻynash ijodkorlik qobiliyatlarining rivojlanishiga, mushaklarning mustahkamlanishiga va mayda motorikaning rivojlanishiga yordam beradi. Siz plastilinni sotib olishingiz yoki uyda oʻzingiz tayyorlashingiz mumkin.

Oʻyin bolangizning har tomonlama rivojlanishi, jumladan, motorikasi va jismoniy qobiliyatlari uchun ham muhimdir. Maktabgacha yoshdagi bolalarga odatda faol boʻlish yoqadi, ammo turli bolalar turlicha faoliyatni afzal koʻradi. Faol maktabgacha yoshdagi bolalar uchun harakatli oʻyinlarga toʻplar, qutilar, tayoqlar bilan oʻynash, ochiq havodagi oʻyinlar, faol oʻyinlar hamda tabiatdagi oʻyinlar kiradi.

Oʻyin maktabgacha yoshdagi bolalarning umumiy rivojlanishi uchun muhim boʻlgan ijodkorlik va tasavvurni shakllantiradi. Maktabgacha yoshdagi bolalar yorqin tasavvurga ega. Ular koʻpincha rolli oʻyinlar, ijodkorlik, qoʻl hunari va musiqaga qiziqadi. Maktabgacha yoshdagi bolalarning tasavvurini kuchaytiruvchi oʻyin gʻoyalari oʻqish, tabiat qoʻynida sayr qilish, “band qutilar”, kiyim almashtirish, qoʻgʻirchoq oʻyinlari va boshqalarni oʻz ichiga oladi.

Hissiyotlarni oʻrganar ekan, bolangiz oʻzini baxtliroq his qiladi va muammolarni osonroq yengadi. Farzandingizga istalgan vaqtda, istalgan joyda his-tuygʻularni oʻrganishga yordam berishingiz mumkin. Hissiyotni tanlang, nomlang va bolangizga uni yuzingiz va tanangiz bilan koʻrsating.

Farzandingiz his-tuygʻularini ifoda etishni va boshqarishni oʻrganmoqda. Bu farzandingiz uchun ham, siz uchun ham ajoyib yangilik, chunki xafagarchilik va sabrsizlik kamroq kuzatiladi va bola kamroq jazavaga tushadi.

4 yoshga toʻlgan farzandingizning nutq koʻnikmalari ancha rivojlangan boʻladi. Garchi adashib tursa ham, unga gaplashish va savollar berish yoqa boshlaydi. Maktabgacha yoshdagi bolalarning nutq va til koʻnikmalarini rivojlantirishga yordam beradigan baʼzi oʻyinlardan misollar keltiramiz.

Oʻynang va farzandingiz bilan oʻzaro aloqada boʻling. Gaplashing va “Oʻqish usullari”ni mutolaa qiling.

Kichkintoyingiz bilan ertaklar oʻqish, ularni hikoya qilish, suhbatlashish va qoʻshiq kuylash unga tovushlar, soʻzlar va tilni oʻrganishga yordam beradi. Farzandingiz bilan har kuni oʻqing, undan oʻzi bilgan ertaklardagi soʻzlarni aytib berishni, shuningdek, rasmlarda koʻrgan narsalarining nomini soʻrang. Bolajoningizga hayvonlar rasmi bor kitoblar, oʻyinlar haqidagi hikoyalar, bundan tashqari, ochiladigan darchali va oʻyinchoq kitoblar yoqadi. Maqolada siz kitob tanlash boʻyicha tavsiyalarni topasiz.

Farzandingiz bilan kutubxonaga borish kitob va oʻqishga boʻlgan muhabbatni oshirishi mumkin. Farzandingiz koʻplab kitoblarni vaqtinchaga bepul olishi mumkin. Kutubxonalarda bolalar uchun suhbatlar va boshqa tadbirlarga ham vaqt ajratish koʻzda tutilgan.