Agar bolalarda chang kanalari, oʻsimliklar guli yoki oʻtlar, hayvonlar, lateks buyumlar, hasharotlar chaqishi va boshqalarga allergiya boʻlsa, ularni bu allergenlardan saqlanishga oʻrgatish kerak. Yengil yoki oʻrtacha allergik reaksiyaning belgilariga toshma, shish, qorin ogʻrigʻi, qusish, oʻsimliklar gullariga allergik reaksiya va astma kiradi. Ogʻir allergik reaksiyalar yoki anafilaktik reaksiya belgilariga ogʻiz boʻshligʻi shilliq qavatining shishishi, tomoqda boʻgʻilish hissi, ovozning boʻgʻiqligi, nafas olish qiyinligi va hushdan ketish kiradi. Farzandingizning allergiyasi haqida shifokor bilan gaplashing.

Laktoza “koʻtara olmaslik” bu – bola organizmi sut va sut mahsulotlarida mavjud boʻlgan laktozani samarali parchalay olmasligidir. Uning belgilariga gaz (meteorizm va kekirish), qorin ogʻrigʻi va shishi, diareya kiradi. Bu odatda 5 yoshdan oshgan bolalarda, laktaza fermentlari asta-sekin kamayishni boshlaganda paydo boʻladi. Laktoza “koʻtara olmaslik” holati bor boʻlgan bolalar va oʻsmirlar sogʻlom taomga, past laktozali parhezga oʻtishlarining oʻzi kifoya. Farzandingizning ahvolini toʻgʻri baholash uchun shifokor bilan maslahatlashing.

Gastroezofageal reflyuks bu – farzandingizning oshqozonidagi ovqatning qiziloʻngach va ogʻiz boʻshligʻiga qaytib chiqishidir. Reflyuks belgilari odatda tugʻilishning birinchi oyida boshlanadi. Koʻpchilik bolalarda reflyuks ular yurishni boshlagan vaqtga kelib yoʻqoladi. Yengil reflyuks turida farzandingizni tik holatda ovqatlantiring va ovqatlantirishdan keyin uni taxminan 30 daqiqa tik holatda koʻtaring.

Yengil yoki oʻrtac darajadagi oziq-ovqat allergiyasi belgilariga toshma, shish, ogʻizdagi sanchiq, qorin ogʻrigʻi, qusish va diareya kiradi. Oziq-ovqatlarga kuchli allergik reaksiya yoki anafilaksiya belgilariga nafas olish qiyinlashuvi, tilning shishishi va “tomoqda narsa tiqilib qolish” hissi, xirillash yoki doimiy yoʻtal, bolaning gapirishga qiynalishi va/yoki xirillab ovoz chiqishi, rangparlik va boʻshashish (yosh bolalarda); doimiy bosh aylanishi yoki hushidan ketish kiradi. Oziq-ovqat allergiyasini toʻgʻri baholash uchun shifokorga murojaat qiling. Farzandlaringizni allergiya keltirib chiqaradigan ovqatlarni isteʼmol qilmaslikka oʻrgating. Ularda anafilaktik reaksiyaga kuzatilsa, darhol tez yordam chaqiring.

Maktab yoshigacha boʻlgan bolalarning aksariyati kechasi 10–13 soat uxlashi kerak, baʼzilari esa kunduzi ham uxlashlari lozim. Maktab yoshigacha boʻlgan bolalarda baʼzida uyqu muammolari kelib chiqadi, masalan, oʻrnilaridan turib ketishadi, tungi qoʻrquv va vahimali tushlar koʻrishadi. Uyquga tayyorgarlik koʻrishning oʻrnatilgan tartibi maktab yoshigacha boʻlgan bolalardagi koʻplab uyqu muammolarini hal qilishning eng yaxshi usuli.

Uxlashdan oldin dam olish, bir xil vaqtda uxlash va uygʻonishni oʻz ichiga olgan tartib bolangizning yaxshi uxlashiga yordam beradi. Farzandingiz uchun tinch sharoit va past yorugʻlikni taʼminlab, uning uxlash uchun tayyorgarlik koʻrishida yordam bering. Farzandingiz kerakli vaqtda toʻlaqonli ovqatlanishi, kun davomida yetarli darajada quyosh nurida boʻlishi, tushdan keyin va kechqurun tarkibida kofein boʻlgan suyuqliklarni ichmasligiga ishonch hosil qiling. Uyqu muammolari 2–4 haftadan ortiq davom etsa, shifokorga yordam olish uchun murojaat qilishingiz kerak.

Uyqu tartibi va kun davomida yetarlicha jismoniy faollik kabi yaxshi odatlar bolangizning uxlab qolishini osonlashtiradi. Bolalarning uyqu odatlari, xirillash, tungi qoʻrquv va tish gʻijirlatishi kabi bolalar uyqusining xususiyatlari odatda zararsiz, lekin xavotirda boʻlsangiz, shifokorga murojaat qilishingiz mumkin.

Uyqu bilan bogʻliq baʼzi muammolarni, masalan oʻrnidan koʻp turishni maxsus usullar yordamida bartaraf etish mumkin.

Kichik yoshdagi bolalar sutkada taxminan 12–13 soat uxlashlari kerak. Bu odatda kechasi 10–12 soat va kunduzi 1–2 soat.

Kichkintoylardagi keng tarqalgan uyqu muammolariga uxlashning qiyinligi va uyquga yotish kerak boʻlganda yotishni xohlamaslik kabilar kiradi. Uyquga tayyorgarlikning kundalik tartibi kichkintoylarning uxlashiga yordam beradi.

Farzandingizga tuvak yoki unitazdan foydalanishni oʻrganishga yordam berish – ikkalangiz uchun ham katta va juda hayajonli qadam. Agar ijobiy kayfiyatda va xotirjam boʻlsangiz, bolangiz katta ehtimol bilan hamma koʻnikmalarni oʻrganib oladi. Buning siri bolangiz hojatxonaga oʻrganishga tayyorligini koʻrsatadigan belgilarni kutish va aniqlab olishdan iborat.

Kichkintoy tishlari bilan bogʻliq keng tarqalgan muammolarga tish chiqishi, bosh barmogʻini soʻrish va tishlarni gʻijirlatish kiradi. Bu muammolar chaqaloq rivojlanishining ajralmas qismidir. Chaqaloqning tishlari boʻyicha xavotirda boʻlsangiz, tish shifokoringizga murojaat qiling.