Mbi moshës gjashtë mujore, foshnja veç më është shumë e aftë për të bërë biseda dhe dëshiron të përmirësohet më tej, por edhe për t’i përdorë këto aftësi për të njohur botën rreth tij/saj.

Në moshën 3-6 muaj, foshnjat gjithnjë e më shumë përpiqen të flasin në mënyrë aktive me njerëzit rreth tyre, por gjithashtu gjithnjë e më shumë duhet t’i ndajnë interesat e tyre dhe gatishmërinë për të komunikuar me të tjerët - për t’’ angazhuar të tjerët në bisedë.

Lidhja e fortë emocionale me prindërit është faktor kryesor në zhvillimin e foshnjës (por edhe më vonë në jetë). Kur fëmijë ndihet i sigurt dhe i dashur, është më i gatshëm dhe i guximshëm për ta eksploruar botën rreth vetes. Kjo është mënyra se si një fëmijë mëson dhe zbulon, si dhe i zhvillon aftësitë e komunikimit, marrëdhëniet me të tjerët, aftësitë motorike dhe të folurit.

Aleanca prindërore është një mjet i fuqishëm që një familje duhet të kujdeset mirë për fëmijën e tyre. Ajo e bashkon babanë dhe nënën rreth një qëllimi të përbashkët - kujdesi për fëmijën dhe mirëqenien e fëmijës dhe familjes. Edhe pse kjo duket se po ndodh spontanisht, në fakt zhvillimit të një aleance cilësore prindërore, i paraprijnë një numër i konsiderueshëm hapash.

Ndjenja e sigurisë dhe mbrojtjes së fëmijës është ndërtuar nga një marrëdhënie edukative dhe e përgjegjshme me kujdestarët. Nëse ju i buzëqeshni fëmijës kur ai/ajo shikon në ju, e mbështesni dhe inkurajoni fëmijën kur ai/ajo është i/e pasigurt ose i/e frikësuar, vëreni interesin e fëmijës, e motivoni atë për aktivitet të mëtejshëm - fëmija do të ndjehet i/e sigurt me ju dhe do të jetë gati për ta eksploruar botën me ju, dhe më vonë me njerëzit tjerë të rëndësishëm.

Reagimet tuaja ndaj sjelljes së fëmijës suaj që në ditët e para të jetës së tij/saj janë një burim i rëndësishëm mësimi për fëmijën. Pra, që në fillim, përpiquni të përgjigjeni me vëmendje pozitive. Vëmendja pozitive është mënyra se si e manifestoni ngrohtësi dhe kënaqësi, që e merrni nga fëmija juaj dhe marrëdhënia juaj me të. Pra vëmendja pozitive është një motivues i rëndësishëm dhe një inkurajim i qartë për fëmijën.

Kur një fëmijë i dëgjon fjalët dhe ka mundësinë të dëgjojë emrat e fenomeneve, përvojave ose aktiviteteve, ai/ajo mëson kuptimet e fjalëve dhe mënyrat e të shprehurit të mendimeve ose ndjenjave të tij/saj. Ne e quajmë këtë proces “ushqimi i gjuhës” dhe shkenca ofron dëshmi të qartë se ky lloj i “të ushqyerit” është shumë i rëndësishëm për zhvillimin e trurit, si dhe zhvillimin e përgjithshëm të fëmijëve.

Loja është mënyra më e natyrshme që një fëmijë të eksplorojë dhe të mësojë për veten dhe botën përreth tij, të fitojë dhe t’i përmirësojë aftësitë e lëvizjes, komunikimit, marrëdhënieve me të tjerët dhe të nxjerrë përfundime për sa i përket lidhjes midis gjërave dhe qenieve.

Leximi me fëmijën është një aktivitet që përfshin në mënyrë aktive fëmijën dhe përfaqëson një nga stimulimet më gjithëpërfshirës të zhvillimit. Ai gjithashtu ofron afërsi me prindin, eksplorimin në formë të lojës, shkëmbim fjalësh, inkurajim, emërtim, përvojë të fortë emocionale dhe mundësi për eksplorim dhe kuptim të objekteve dhe ngjarjeve që rrethojnë fëmijën.