Maktabgacha yoshdagi bolalar uchun internetda xavfsizlikka tahdidlarning uch turi mavjud: axborot, aloqa va xulq bilan bogʻliq tahdidlar. Maktabgacha yoshdagi bolani himoya qilishning amaliy usullariga aloqa vositalaridan foydalanishning oilaviy rejasi, bolalar uchun moslashtirilgan qidiruv tizimlari, sharhlar, maxfiylik sozlamalari va ota-ona nazorati kiradi. Farzandingiz bilan Internetga birgalikda kirish, Internetdan qanday qilib xavfsiz foydalanishda namuna boʻlish, shuningdek bolaga yaxshi va yomon maʼlumot toʻgʻrisida gapirib berish muhim.

Quyoshda uzoq vaqt qolish – kuyish, koʻzlarning shikastlanishi, teri saratoni va immun tizimining zaiflashishiga olib kelishi mumkin. Oddiy ehtiyot choralari quyoshning yomon taʼsir qilish xavfini kamaytirishi mumkin. Bolalarning quyoshda xavfsiz boʻlishi nurning taʼsir qilish vaqti, soya-salqin mavjudligi, himoya kiyimlari va quyoshdan himoya qiluvchi kremlardan foydalanishga bogʻliq. Quyoshdan himoya qilish uchun sizning bu yoʻnalishdagi xatti-harakatlaringiz namuna sifatida muhim ahamiyatga ega.

Agar siz oilada zoʻravonlikka duch kelsangiz, bu farzandlaringizning tarbiyasiga va munosabatlaringizga taʼsir qilishi mumkin. Ota-onalar oʻrtasidagi oilaviy zoʻravonlik bolalar hatto buni koʻrmasa, eshitmasa yoki boshidan kechirmasa ham ular uchun ruhiy zarba hisoblanadi. Oilaviy zoʻravonlik ishlatgan odam zoʻravonlik oqibatlarining farzandlaringiz va oilaviy munosabatlaringizga qilgan taʼsiri uchun javobgardir. Jamiyatda zoʻravonlikka uchragan oilalar qoʻllab-quvvatlashga muhtoj. Zarur hollarda doʻstingiz, oila aʼzolaringiz yoki shifokor kabi ishonchli odam bilan maslahatlashishni boshlang.

Barcha bolalar xavfsizlikda boʻlish va shafqatsiz munosabatdan himoyalanish huquqiga ega. Ammo baʼzida ota-ona boʻlish ogʻir vazifa boʻlib koʻrinishi mumkin. Agar siz oʻzingizni yengishga qodir boʻlmasangiz va farzandingizga zarar yetkazishingiz mumkin deb oʻylasangiz, yordam soʻrashingiz kerak.

Uxlab yotgan chaqaloqda hammasi joyida ekaniga ishonch hosil qilish uchun uni tekshirish tabiiy hol. Bolaning toʻsatdan oʻlimi sindromi va uyquda oʻlimga olib keladigan baxtsiz hodisalar xavfini kamaytirish uchun siz oddiy va samarali uyqu xavfsizligini taʼminlaydigan choralarini koʻrishingiz mumkin.

Tanangizni jismonan boʻshashtirish – oʻzingizni xotirjamroq va yengilroq his qilishning ajoyib usuli. Mushaklarni boʻshashtirishning bunday texnikasidan foydalanish xotirjamlikni taʼminlaydi.

Stress bu – ota-onalik bilan bogʻliq oʻzgarishlar va muammolarga normal javob. Baʼzi stresslar foydali boʻlishi mumkin, ammo haddan tashqari stress juda zoʻriqtirishi ehtimoli bor. Stress siz uchun muammo boʻlsa, stressni boshqarish usullarini bilib olish foydali boʻladi.

Yangi tugʻilgan chaqaloq yoki qanday qilib ota-ona boʻlishingiz haqida tashvishlanish – normal holat. Ammo shu xavotir bilan kurashish ota-onalik hayotingizdan koʻproq zavqlanishingizga yordam beradi.

Hammaning ham baʼzan jahli chiqadi. Gʻazab normal holatdir. Ammo oʻzingizni haddan tashqari koʻp gʻazablanaman deb oʻylasangiz yoki gʻazabni nazorat qilishda qiynalayotgan boʻlsangiz, uni boshqarishning bir necha usullarini bilib olishingiz foydadan xoli boʻlmaydi.

Ziddiyat juftliklar oʻrtasidagi munosabatlarning tabiiy qismidir, ayniqsa, bolalar tarbiyasida muammolarga duch kelganingizda ziddiyatlar ham kelib chiqadi. Mojarolarni birgalikda hal qilar ekansiz, sogʻlom munosabatlar qurasiz va farzandlaringizga muhim hayotiy koʻnikmalarni oʻrgatasiz.